Album Summary: William Thomson's Orpheus Caledonius (1725) was a landmark publication; the first ever large-scale collection of "Scotch Songs" in print — 50 songs arranged with un-figured bass, most with lyrics from Allan Ramsay's Scots Songs and Tea-Table Miscellany, plus an appendix of melodic reductions. It was an instant hit and in 1733, expanded into 2 volumes with 100 songs. Indeed, Thomson's Orpheus set the standard format for Scots Song settings for the rest of the eighteenth century, including those of Robert Burns in The Scots Musical Museum. This ScotMus.com album is a faithful reprint of the song arrangements from the historic 1st edition of 1725.
|
(2)
On his gray Yad as he did ride,
With Durk and Pistol by his side, He prick'd her on wi' mikle Pride, Wi' mikle Mirth and Glee. Out o'er yon Moss, out o'er yon Muir, Till he came to her Dady's Door. With a fal &c. |
(3)
Goodman, quoth he, be ye within,
I'm come your Doghter's Love to win, I care no for making mikle Din, What Answer gi' ye me? Now wooer, quoth he, wou'd ye light down, I'se gi'e ye my Doghter's Love to win, With a fal &c. |
(4)
Now wooer sin ye are lighted down,
Where do ye won, or in what Town, I think my Doghter winna gloom, On sicken a Lad a ye. The wooer he step'd up the House, And wow but he was wond'rous crouse, With a fal &c. |
|
(5)
I have three Owsen in a Pleugh,
Twa good gan Yads and Gear enough, The Place they ca' it Cadeneugh, I scorn to tell a Lie. Beside I had frae the great Laird, A Peat and Pat and a Lang-kail Yard, With a fal &c. |
(6)
The Maid pat on her Kirtle Brown,
She was the brawest in a' the Town, I wat on him she did na gloom, But blinkit bonnilie. The Lover he stended up in haste, And gripit her hard about the waist, With a fal &c. |
(7)
To win your Love, Maid, I'm come here,
I'm young and hae enough o' Gear, And for my sell ye need na fear, Troth try me whan ye like. He took aff his Bonnet and spat in his Chew, He dighted his Gab and he pri'd her Mou, With a fal &c. |
|
(8)
The Maiden blusht and bing'd fu' law,
She had na will to say him na, But to her Dady she left it a', As they twa cou'd agree. The Lover he ga'e her the tither Kiss, Syne ran to her Dady and tell'd him this With a fal &c. |
(9)
Your Doghter wad na say me na,
But to your sel she has left it a', As we cou'd agree between us twa, Say what'll ye gi' me wi' her. Now wooer quoth he, I ha'e no Mikle, But sik's I ha'e ye's get a Pikle, With a fal &c. |
(10)
A Kilnfu' of Corn I'll gi'e to thee,
Three Soums of Sheep, twa good Milk Ky Ye's ha'e the Wadding Dinner free, Troth I dow do na mair. Content, quo' he, a Bargain be't, I'm far frae hame, make haste let's do't, With a fal &c. |
|
(11)
The Bridal Day it came to pass,
Wi' mony a blythsome Lad and Lass, But sicken a Day there never was, Sic Mirth was never seen. This winsom Couple straked Hands, Mess John ty'd up the Marriage Bands With a fal &c. |
(12)
And our Bride's Maidens were na few,
Wi' Tap-knots, Lug-knots a' in blew, Frae Tap to Tae they were braw new, And blinked bonnilie. Their Toys and Mutches were sae clean, They glanced in our Ladses Een, With a fal &c. |
(13)
Sic Hirdum, Dirdum and sic Din,
Wi' he o'er her and she o'er him, The Minstrels they did never blin, Wi' mikle Mirth and Glee. And ay they bobit and ay they beckt, And ay their wames together met, With a fal &c. |